今日喺网上睇倒一段关于郁金香嘅古,写埋上嚟俾大家睇下. 

 

 

喺1940年5月，成个欧洲都喺度打紧仗，波兰、挪威、丹麦相继沦陷，跟住，德国开始发起对荷兰嘅进攻。为咗保护皇室嘅安全，当时荷兰女皇Wilhelmina喺六月初将佢个女Juliana公主以及家人静静咁送咗去加拿大。

 

 

喺荷兰危难之际，加拿大政府热情咁接受咗佢地喔，将佢地安置喺渥太华嘅政府入面。冇几耐，荷兰公主有咗bb啊，到咗1943年1月，Juliana公主就要生得喇。但係按照加拿大嘅法律，凡係喺加拿大境内出世嘅人，都自动成为加拿大嘅公民。之不过荷兰王室又有个不成文规定喔,就係唔允许皇室成员成为外国公民。

 

 

但係喺咁嘅战争时期，既要保护公主嘅安全，同时又要唔破坏两个国家嘅法律喔，咁加拿大政府就遇到咗前所未有嘅难题啦。

最后啊，加拿大政府破例通过咗一项法案，将渥太华市民医院嘅一间产房临时划归荷兰政府所有。就咁样，一个唔大又唔细嘅国际难题解决咗喇，1943年1月19日，公主顺利咁生咗佢第三个女玛格丽特，而加拿大同荷兰之间嘅友谊亦都更加深厚喇。

 

 

小公主嘅诞生，固然代表住希望啦，同时亦为同纳粹战斗嘅荷兰本土人民带去去咗希望喔。1945年嘅春天，加拿大军队从意大利转战荷兰，相继咁打下咗海牙、鹿特丹同阿姆斯特丹几个主要嘅城市，并喺5月5日使荷兰脱离咗德国嘅控制，5月6日，加拿大部队代表盟军喺荷兰接受咗德国嘅投降添.

 

 

1945年5月嘅中旬，Juliana公主终于可以返去阔别多年嘅荷兰囖。果阵正值係郁金香盛开之际，荷兰政府即时就决定送10万朵郁金香俾加拿大政府，以表达荷兰人对加拿大士兵为荷兰作战嘅崇敬啊，以及对加拿大接待荷兰王储嘅万分感激。同时嘅哩一年，荷兰议会通过法案，将渥太华市民医院果间产房嘅荷兰领土主权还返俾加拿大。咁样嘅领土转移，就好似细路哥玩泥沙咁简单，但係就蕴含出一个政府嘅胸怀。

 

 

1948年，Juliana公主继承咗荷兰王位。即刻就下令,从果年开始以后每年都赠送俾加拿大渥太华一万朵郁金香。自此渥太华就成为咗荷兰以外拥有郁金香最多嘅城市喇. 而从1953年开始，渥太华每年五月都会举办一次郁金香节，以示对荷兰女王嘅感谢。1995年，玛格丽特女王重返渥太华主持郁金香节，同年，渥太华嘅郁金香节亦改名为加拿大郁金香节。

 

 

自此啊，一段咁传奇嘅故事成就咗加拿大每年咁靓嘅郁金香节，亦一年又一年咁延续住加拿大同荷兰之间嘅友谊，都时时令人缅怀果段艰难嘅岁月。(

 

 

讲完!!个故事係咪好好听啊? 够唔够我影嘅花靓呢?